TIRAABO MAGACBIXIN AH

 MAGACBIXIN:

KASMO:  waa magac guud oo  ku aadan, aqoon walba oo la barto.

1.     Kasmo: Waa guud ahaan kasmooyinka la barto: Waxaa ka mida Kasmooyinkaas:- TUBAAB-ta/TUBAAB-ka(The Maths/Mathematics): SABATOON-ka(GEOGRAPHY): FADALJEER-ka(HISTORY): AF-ka(THE LANGUAGE) . Labada kasmo ee badi waxbarashada loo kala fooceeyo laguma daro , AFKA Ama Se AHDEEDKA iyo TUBAABTA maxaa-yeelay waa halgedo fure u ah, waxbarashooyinka oo dhan, siiba garashada afku waa aasaasi, oo af aqoon la’aantiis waxbaristu suurtagali mayso.  Afka Ingiriisugu KASMO iyo KASMASHO labadaba waxa uu dhahaa SCIENCE.
WAXBARASHADA ASAASIGA AH: Waxaa loo kala foocdhigaa LABA FOOC.

2.     Kasmo Taawo:(Cilmi-adab): Oo ah barashada TAAWOOYINKA(THE ARTS):
Marka waxbarashada asaasiga ah ee dugsiyeed oo ku siman DUGSI-SARE laga soo gudbo, ee loo gudbo waxbarshada hilgan(Further/Adanced Education): Waxa la bartaa:
Taawooyinka Libraaran:(Liberal Arts): Oo sida haddeeran(Modern-time):
- Literature = Suugaanta(Qornaanlaha)
- Languages = Afafka
- Philosophy = Murtimeerka
- History = Fadaljeerka
- Psychology = Kasmo-nafsiga

Marar kale waxa loo kala foocdhigaa, isla sida aynu soo xusnay, balse waxa lagu magacaabaa HUMANITIES = Dadnimooyin-ka: Kolkaas waxa ka mida:
Anthropology = Irdadka/?
Cultures = Dhaqamada
Law = Gardhaha
Linguistics = Yahaftanka
Waxa kaloo barashada HUMANTIES-ka = Dadnimooyinka: Ka mida:
Barashada TAAWOOYINKA ARKOON = Visual Arts: Sida 
Theatre = Golatoonka
Music = Mashdhaca
Iyo TAAWOOYINKA TAABAGUDAN = Performed Arts:
Sida : 
Acting/Plays/Drama e.tc. = Jilitaanka/Ruwaayadaha/Majaajilada iwm.

3.     Kasmo Kasmasho:(Cilmi-culuum): Oo ah barashada KASMASHADA(THE SCIENCE): 
--------------------------------------------------

Waa ay jirtaa WAXBARASHO HILGAN(ADVANCED): Waxaana la dhihi karaa waxbarasho sare.

Halgedaha ama MAADDOOYIN-ka , haddii magac Soomaali loo bixiyo, maxaa faa’ido ah ee ku jiri karta?

 Waxa ay door wanaagsan ka ciyaartaa taasu, habka fahamka ee ardayga ee halgedda(Maadadda) laftirkeeda. Afku waa xubin ka dheehan, dhaqanka ama hidde-ha – Ardaygu markuu ku  garowsado afkiisa halgedii oo ugu magacaaban erey ama tiraab uu dhaadan (fahmi) karo, waxay u tusmaynaysaa in xogta halgeddu aanay ka gudhnayn hiddehiisa dhaxaleed iyo dhaqankiisa astaameed.

I.TAAWO:  waa shan laamoon:

1.     Taawo Dhaqan(Cultural Art): Oo lagu magacaabo HOOBAALO-(Folklore).

Hoobaaladu waxa ay ka kala kooban tahay DHAANTO(oo ah magac guud oo ay wada leeyihiin, dhamaan qoobkaciyaaradu, balse dhaantada aan magac gaara lahayn ayaa la sii dhahaa dhaanto.

-         Dhaantooyinka Jira Waxaa Ka Mida:

-         Baarcade

-         Baloolay

-         Bariyo

-         Batar

-         Boobto

-         Gabley-shinbir

-         Hirwo

-         Kabeebay

-         Rable

-         Waalo

-         Walasaqo

-         Weglo

-         Wilwilo

-         Dhaanto-dhaanto(oo ah taas aan magaca gaara lahayn)

-         IWM

Dhaanto kastaa waxa ay tahay QOOBKACIYAAR + HEELLO:

Qoobkaciyaarku waxa uu leeyahay : JUGDHEB = BEAT iyo JAAN = RHYTHM

Dhaantooyinku waxay ku kala duwanaadaan JAAN-ta ama Rhythm-ka, oo middii walba waxay gaarkeeda u lahaataa jaandhac ka duwaya tan kaleeto. Sida ay degellada Soomaalidu u kala jiraan ayaa iyaduna waxa ay keentaa in laba dhaanto oo isku JAAN ah ay kala magac ula kala bexeen degelladaas dadkoodu.

HEELLO-du waxa ay tahay midho suugaaneed, ama maanso LYRICS. Heello waxa ay hees kaga duwan tahay waxaa raacsan LUUQ oo ah TUNE. Heelladu marka ay dhaanto ku jiro waxa lahaataa OR(The Beginning For The Chant) iyo JIIB/REEN(Chorus), oo hugunka ay kaga danba yeedhaan dadka dhaantada ciyaarayaa, ama dhaantaynayaa.
DHAANTAYNTU: Waa wax-ifaalleyn-dhaqanmood(Cultural Expression)

2.     Taawo Gacamood(Manual Art): Oo lagu magacaabo FARSHAXAN-(Sculpture/Fine Arts/Drawing): 
Sculpture = Wax-xaradhka
Drawing = Muuqaab-ka(Muuqaabis-ta/Muuqaabidda)

Waxa haatan jirta oo adeegsan ereygan ah FARSHAXAN, oo u adeegsama si guud inuu ka dhigan yahay TAAWOOYINKA oo dhan. Taasi waxa keenaya iyadoo bulshada aanay wada taabin qeybaha kale ee taawada, oo sida markaas ugu fudud loogu tilmaamo FARSHAXAN.

Balse, farshaxanku waxa uu ku gaaran yahay, Taawada Gacani, samayn karto, sida XARADH-ka dhagaxyada, muuqaab samaynta iwm.

3.     Taawo Afood(Lingual Art): Oo lagu magacaabo SUUGAAN –(Literary Arts/Poetry)

Waxa kaloo lagu magacaabaa AESTHETIC oo ka dhigan MEEXAAN(Waa macaan u yeelida hawraarta, ama qurux u yeelista).

Waxay u kala baxdaa Suugaantu: MURTI-(Wise Sayings) iyo MAANSO-(Poetry/Lyrics).

4.     Taawo Cod(Vocal Art): Oo lagu magacaabo MASHDHAC-( Vocal Arts/Music/Singing/Opera):

HEESAA-gu: Wuxuu heesaa taawo cod: Waxa laashima LAASHIN(COMPOSER/TUNER): Laashin-ka ayaa LUUQ-dana ku dara kolal.

Mashdhaceeyuhu-na: Mar waa laashinka marna waa qof kale hawshaas u curiya mashdhac isagoo daababka mashdhaca tumaya.

Soomaalidu waxay dhahdaa MASHDHAC iyo MASHXARAD-ba waa loo tumay. Mashdhacu waa: Codadka islakeenka leh(The Harmonic Sounds), ee daababka laga yeedhiyo(Instrumental sounds). Daababka Mashdhacu waa ay kala duwan yihiin:

-         DRUMS: Waxa ay sameeyaan waxa salka u ah Mashdhaca oo ah JUGDHEB-ka (The Beat), iyo JAAN-ta(The Rhythm)

-         BASS: Waxa uu sameeyaa GURXAN: Daababka Gurxanka sameeya waxa ka mida -Bass Guitar iyo Cello.

-         MELODY: Waa DANAN-ka, waxaa sameeya daabab doorra. Sida ACOUSTIC GUITAR,LUTE, KEYBOARD oo loo yaqaan PIONO ama ORGAN, waxa kaloo sameeya dananka FLUTE oo ah Foodhida

Taawada Codka: Waxa kaloo ka qeybqaata HOOBAL ama HOOBALAD, oo codkooda ku heesa , iyadoo loo raacinayo daababka mashdhaca ee kolkaas loo tumayo.

Tumista mashdhacu mar waa QQAACI(Non-Orchestra) marna ARGAAN(Orchestra): Marka ay Argaanka tahay waxaa ka qeybqaata kontameeyo hoobal oo mashdhac tumayaal ah, oo kala sita daabab ay markaas tumayaan, waxaa isku xidhiidhiya …MASTER, oo ahaada Mashdhacyahan.

5.     Taawo Jilan(Performed/Acted Art): Oo lagu magacaabo MAJAAJILO –(Drama) :

Dad badan baa mooda in majaajiladu tahay MAADAYS-ka (The Comedy). Majaajiladu asalkeeda hore waa ereybixin ama tiraab – ka timid MALAHAAJILOH:

Waxa kaloo lagu magacaabaa TAAWO GOLEED: Sida Theatre(GOLATOON).[Golatoonka Murtida Iyo Madadaallada ]Waxay kala ahaataa:

-         Maadays =Comedy

-         Ruwaayad = Play… Waxa sameeya Playwright(Abwaan).

-         Googoos =…?

-         Taxane = Serial…ama MUSALSAL 
-    Films = FILINMADA

-         Iwm.

Tiraabta TAAWO waxa ay si guud uga dhigan tahay ART ama FAN(oo Carabiy ah). Siyaabaha ereygan ama tiraabtan , loo adeegsado waxaa ka mida:- Gabay buu taawiyay/ Ruwaayad buu taawiyay. Taawin-tu waa wax ALIFAAD-da (oo ah Carabiy).

“In dhoweydba waa taan ka tegay taawadii gabaye! = I didn’t do recently any sort of art poetry!” [Gabay : Cali Jaamac Haabiil]

Qof taawo leh, waxaa lagu magacaabaa TAAWOBILE = ARTIST.

Hawlaha taawobile waxaa lagu magacaabaa ARTWORK = FALTAAWO.

Hoobalku waa Heesaaga, Jilaaga,Dhaanteeyaha(Dancer) waa-na Taawobile.

Abwaanku waa taawobile, taawiyay ama taawin kara inta jaad ee taawo ka kooban tahay.

Farshaxan-ku waa taawobile.

Intaa haddii aynu kaga gudubno TAAWO waxa barbar yimaada KASMASHO:

II.KASMASHO: waa seddex laamood:

Sida haddeeran –(The Modern) ee loo barto kasmashada waxa ka horaysay, si kale oo la dhihi jiray-  Natural Science = Kasmo Uuniyood/Kasmo Uuniya. Balse hadda waxaa lagu soo koobaa seddex halgedood(Three Basic Subjects) oo kala ah.

1.     PHYSICS –(ANUUN-ka).:Waxa Carabiga lagu dhahaa TDABIICAH(Waa uuniga(The Nature) kuu muuqda iyo waxa ka falmoon.)

2.     CHEMISTRY- (FAXAR-ka): (Waa barashada curneyaasha iyo waxa ka falmoon)

Waxa loo kala qeybiyaa Organic Chemistry = Faxar Noolgan, iyo

In-organic Chemistry = Faxar Manoolgan

3.     BIOLOGY- (ANOOL-ka) : ( Waa barashada noolayaasha iyo waxa ka falmoon): Barashada noolayaasha waxaa ay kala ahaadaan:

-         NAGAAR(PLANTS): - Ugbaad(Herbs)/Dhir(Shrubs)/Geed(Trees): waxa kaloo barashadan la dhahaa BOTANY(Yabaadh)- oo ku aadan sii-barashada waxa sida ugbaadka, dhirta ama geedaha u baxa.

-         ADEENTI(HUMAN/ANIMALS):- Dad/Ugaadh/Dugaag/Xoollo, kuwaasoo siyaabo kala duwan loo kala abla-ableeyo: Sida:- Dabjoog iyo Duurjoog.

-         Naasley(Mammals) – Xamaarato(Reptiles)-Beribiyood(Amphibians) iwm.

Si-ahaan, wax kastoo nool oo dhaqaaqa waxa lagu magacaabaa ADEENTI: Waxaa kaloo ka mida adeenti CAYAYAAN-ka(The Insects):Sida:- Shinnida, Caarrada,Qudhaanjada, Jinaca iwm.

-         Waxa kaloo jira noolayaal, aan isha aradani arki Karin oo lagu eego qalab indhood weynayso ah- waxaa noolayaashaas lagu magacaabaa BACTERIA(Bakteeriya=JIRIC). Mar Bacteeriyadu waxa lagu foocdaraa Nagaarka marar kalana Adeentida.

TERMS = TIRAABO:

Music = Mashdhac
Melody = Danan
Tempo = Gurdan
Bass = Gurxanka
Rythm = Jaandhac[JAAN-TA]
Beat = Jugdheb [ JUG-TA]
Tone = Nux
Musical Notation = Daqadqoraalka Mashdhaca
Note = Daqad-da [ NOTES = Daqado-ha]
Orchestra = Argaan
Non-Orchestra = Qqaaci
Dance = Dhaantoh
Dancer = Dhaanteeyeh
Fine Art = Taawo Faayan
Harmony = Islakeen
Pitch = Ciiq-da
Timbre  = Sudin-ka
Dynamics = Xiiman-ka
Texture = Goloostan
Performing Art = Taabagudasho Taawo
Sound = Jamaq[Human Sound]/Jabaq [Non-Human-Sound]
Musician = Mashdhacyahan
Folk Music = Mashdhac Bulsho
Ornament = Hilqad
Accentuation = Jawaqayn
Pauses = Hakanno-da
Entertainment = Madadaallo
Theatre = Golatoon
Play = Ruwaayad-da
Playwright = Abwaan
Drama = Majaajilo
Film = Jilne/Filim
Classical Music = Mashdhac Sooyaaleed
Minor = Gaag
Major = Gaan
Modes = Miyaaqyo
Monotone = Nuxkeliyaale
Opera = Fagaaraley
Romance = Jamatiin
Romantic = Jamatiineed
Octave = Sideedley
Theme = Dabuub-ta
Phrase = Tibaax
Keynote = Inlig-ga
Tuning = Hilloobayn(Ta'liifta Sida Cuudka Xadhkihiisa)